– До крајот на оваа недела во Македонија продолжува периодот на променливо облачно време со сончеви периоди. Само во сабота ќе има појава на локален слаб дожд, додека на повисоките места и на планините ќе провејува снег. Ќе дува слаб до умерен ветер од северен правец.
Наутро температурите ќе се спуштаат во интервалот од минус 5 до 2 степени, додека максималните дневни ќе се искачуваат во интервалот од 5 до 12 степени. Во Скопје и околината времето ќе биде променливо облачно со сончеви периоди и со слаб до умерен ветер од северен правец.
Само во сабота ќе има услови за локално проврнување на дожд, додека на околните планини ќе провејува слаб снег. Наутро температурите ќе се спуштат до околу – 1 степен а максималните дневни температури ќе се искачуваат во интервалот помеѓу 8 и 9 степени – вели метеопрогнозерот Славчо Попоски.
