Компанијата Bedbible сака да им плати на луѓе да гледаат експлицитни видеа за истражувачки цели.
Еден час се плаќа 20 долари
Порнографијата може да има многу различни форми на интернет и тоа е една од најголемите индустрии на планетата. Компанијата Bedbible сака да добие подобар увид во сексуалните навики на своите корисници и ангажира кандидат што ќе биде платен за гледање порнографија, а саатницата ќе изнесува 20 долари, пишува Daily Star.
На Bedbible ќе најдете написи за секакви интимни теми, како и рецензии за секс играчки и други производи за возрасни. Успешниот кандидат ќе биде платен да гледа стотина најгледани порнографски видеа. Целта на ова „истражување“ е да се добијат информации како што се секс позите, времетраењето и бројот на оргазми, застапеноста на мажите и жените во порно филмовите, бојата на косата и говорот.
Секој може да аплицира за оваа работа
Податоците ќе се користат за изработка на детален извештај за трендовите и статистиките во експлицитните видеа. Платата по час изнесува 20 долари, односно вкупно 1000 долари за 50 часа гледање порнографија. Секој на возраст од 21 или повеќе години може да аплицира за оваа работа и не е важно каде во светот се наоѓа апликантот бидејќи станува збор за работа на далечина.
„Порнографијата е индустрија вредна милијарди, па дојдовме до идеја да дознаеме нешто повеќе преку примери од реалниот живот“, вели Едвина Кајто, главен креатор на содржина во Bedbible.
„Избравме да ги истражиме најчестите сексуални пози во 100 најгледани видеа за да создадеме реална претстава за порнографските преференции на луѓето. Сигурни сме дека од нашето истражување ќе дознаеме некои интересни статистики, како што се типовите на играње на улогите што ги имаат актерите, бројот на оргазми и сите опфатени фетиши“, објасни таа.
