Новиот Почеток, стилизирано како Noviot Pochetok, исто така познати и како The Beginnings (за интернационална употреба) е еден од најдолго-свиречките музички групи во македонската музичка историја.Бендот започнува во 2002 година и е препознатлив по своите ултра-енергични и експолозивни настапи во живо. До сега имаат отсвирено преку 250 концерти и 8 европски турнеи во последната декада – што ги прави еден од малкуте домашни бендови кои успеале тоа да го остварат до сега.
Со 4 албуми на македонски и 1 „најдоброто од“ албум со препев на англиски зад нив, тие го промовираат своето најново, 6-то издание – повторно на македонски, каде ако не – во Младинскиот културен центар. Албумот е сниман, продуциран и мастериран од страна на Ненад Трифуновски – Трипе (кој го сними и првиот албум во 2005 година!) и Филип Тасевски – Fitz aka Feetz (август 2021 – јули 2022). Тапаните се снимени во Кино Фросина, МКЦ, Скопје / сé останато во пробувалната на бендот во Макотекс.
Оваа сабота (25 март), со почеток од 20 часот ќе се одржи јубилејниот концерт и промоцијата на новото издание „Endless Endeavors“. Најавени се и гости, групите „Dimish“ и „KEM“, дел од новата генерација на фантастични артисти.
Дизајн на постер: Филип Тасевски – Fitz aka Feetz, илустрација: DALLE-2. Фотографија од бендот: Стефан Рајхл.
Билетите по цена од 300 ден. се достапни на билетарница во МКЦ и bileti.mkc.mk
