11.8 C
Скопје
22:49 - 13 мај, 2024

(Фото) Репортажа од Халкидики: 60 евра за три лежалки со пијалоци, забрането туширање за оние кои не се гости во барот на плажата

На популарните грчки плажи на Халкидики изгледа дека веќе нема да може да се поминува цел ден со еден пијалок со кој се вклучени лежалка и чадор, како што македонските туристи обично правеа со години наназад.

На една од плажите во местото Криопиги, на првиот крак на Халкидики, Касандра, е правило да се земе минимална консумација од 60 евра ако сакате да добиете лежалки во првиот ред. Значи дека добивате пијалоци или храна за 60 евра и три лежалки во првиот ред, но не смеете да бидете повеќе од три лица, што би дошло 20 евра по лице. Овие лежалки најчесто ги изнајмуваат Грци или туристи од Германија, Англија или скандинавските земји. Македонците ги земаат оние во вториот ред, каде што се плаќа 10 евра по лице со вклучена консумација, но повеќето, на ваквите плажи си носат свои реквизити, столици и чадори.

– Вакво нешто за едно семејство е тотално неисплатливо. Со сопругата и двете деца го плаќаме апартманот 40 евра за вечер, а каде ќе ни биде крајот да даваме 60 евра на ден само за лежалки, пијачки и брза храна која ја нудат на плажите? Затоа комбинираме. Некогаш земаме две лежалки за 20 евра со пијачки, но најчесто си седиме на нашите столчиња за плажа кои ги носиме од дома. Со мали деца, тоа е најпрактично“, ни рече еден турист од Тетово.

Скопјанец пак, кој уплатил услуга сѐ вклучено во еден хотел, вели дека порано мал дел од хотелите имале бесплатни лежалки на плажите за гостите кои уплатиле услуга сѐ вклучено.

-Пред неколку години, кога бевме во истиот хотел, за гостите кои уплатиле „all inclusive“ услуга имаше гратис лежалки, но тоа одамна не е така. Не ми се исплати да плаќам пијачки на плажа кога ги имам во хотелот, затоа ми е подобро да си носам свои столчиња и чадор“, вели скопјанецот.

Она што исто така стана пракса на некоја од грчките плажи е забраната да се користити тушот за туристите кои не се гости во локалот.

– Отидовме на една од популарните плажи во местото Паљури во Грција. Сѐ уште не бевме сместени во ниту еден од локалите на плажата. Прво се капевме, потоа сакавме да се истушираме па сакавме да седнеме во барот и да нарачеме пијачки. Наидовме на голема непријатност од обезбедувањето на плажата кое нѐ пречека пред тушевите. Нѐ врати назад и ни рече дека не смееме да се тушираме ако не сме гости на локалот. Сакавме да бидеме, но по овој негов однос, заминавме на друго место“, ни раскажа едно семејство од Македонија.

Сепак, на плажите на Халкидики сѐ уште постојат плажи кои немаат ограничување со пијалоци на плажата, а има и такви кои две лежалки со чадор без консумација наплатуваат 10 евра.

 

Слични објави

Тончи Хуљиќ за Евровизија: „Цивилизацијата се распаѓа…“

еспресо

(Видео) „Чао, чао грд стану!“: Николина Пишек си ги спакува работите во кутии и се сели во вилата вредна 2 милиони

Еспресо

Андријана Јаневска за годинашната Евровизија: Ме поканија да ја претставувам Македонија на Евровизија, добро е што не отидов

Еспресо

(Фото) Која е убавата Исидора која му кажа „да“ на Сергеј Трифуновиќ, кој е 23 години постар од неа: Ќе се изненадите каде работи

Еспресо

Милионска бројка: Никола Роквиќ ја сподели точната сума на собраните пари

Еспресо

Се огласи членка на хрватското жири на Евровизија: „Не е фер што осудувате, еве како гласавме“

еспресо
Се вчитува....