Во Италија лицата постари од 80 години мора да ја обновуваат возачката дозвола на секои две години со лекарско уверение дека се ментално и физички способни.
„Ова обновување ме прави среќна и ќе ме направи да се чувствувам послободна“, изјави Кандида за италијанскиот медиум „Corriere del Veneto“.
Кандида Удерзо е третата стогодишничка од Италија која сè уште вози. Таа ја коментирала и нејзината долговечност.
„Имам среќа. Да живеам до сто години здрава е изненадување и за мене. Никогаш не пијам апчиња, само повремено за да заспијам“, рекла таа.
View this post on Instagram
Нејзиниот вид е добар, вели таа, и може да чита весници без наочари. Секоја недела наутро во шест таа е подготвена за прошетка сама или со пријателите.
„Навистина ми се допаѓа одењето и немам намера да престанам со тоа“, рече таа. Почнала да практикува долги прошетки кога имала нешто повеќе од 50 години и кога станала вдовица.
“Отидов на прошетка со пријателите, поминав некое време во друштво, разговаравме и се смеев. Тоа многу ми помогна. Кога се пензионирав, се приклучив на групата Лаверда. И оттогаш не пропуштив ниту една неделна прошетка”, објаснила таа.
