Во деновите од 29.12.22 до 18.01.23, паметната и испитувачка планета Меркур ќе се сврти во спротивна насока, односно ќе биде ретроградна, и повторно ќе помине низ патеката од 25-тиот до 9-тиот степени на Јарец.
Но што значи тоа: За време на ретроградното движење на Меркур, на глобално ниво ќе има период на нерамнотежа во светот, што ќе доведе до неуспеси и искривување на информациите, но и до несогласувања меѓу луѓето.
За време на периодот на ретрограден Меркур во Јарец, меморијата ќе страда, заборавот и отсутноста ќе напредуваат, а „умот се вклучува на автопилот“.
Ќе имате проблеми со концентрацијата, ќе биде тешко да се размислува, систематизира и да се анализираат информациите.
Во ретро периодот подгответе се за какви било настани кои не одат според планот и неочекувано ви го расипуваат расположението.
Животот ќе биде полесен ако не го комплицирате во овој период и ако бидете внимателни и претпазливи.
Еве на што сите астролошки знаци треба да внимаваат кога се случува ретрограден Меркур.
Не почнувајте нови проекти и врски
Кога Меркур е ретрограден подобро е да не започнувате нови проекти ни на работа ниту во приватниот живот. Посветете се на завршување на започнатите работи, а со новите планови почнете после 18.01.23. Не потпишувајте договори, не започнувајте нови работи, а никако не помислувајте на селидба. Врските кои почнуваат кога е во тек ретроградниот Меркур, не траат долго.
Проверете ги меиловите по два пати
Ретроградниот Меркур ја отежнува комуникацијата, па вашите зборови можат да се протолкуваат на различни и непријатни начини. Внимавајте како се изразувате, што сакате да кажете и да напишете, а секој имеил прочитајте го по два пати пред да го испратите. Посебно внимавајте и во комуникацијата со партнерот. Можеби сега не е вистински момент да зборувате за бракот, децата и слични важни одлуки.
Не планирајте патувања
Веруваме дека до сега зимскиот годишен одмор веќе го организиравте, зашто ретроградниот Меркур влијае и на патувањата. Ако тргнувате баш сега на одмор, двапати проверете ги резервациите за сместување, превозот, автобуските/авионски билети. Одложувања и доцнења се многу честа појава за време на траењето на овој феномен. И да, внимавајте на куферите. Често се случува во овој период да се изгубат.
Проверете го автомобилот
Вашиот лимен љубимец почна да испушта чудни звуци? Тоа не е чудно, Меркур е ретрограден. Автомобилот однесете го на проверка пред патување.
Не купувајте нови технолошки апарати
Купувањето на нов мобилен, компјутер или автомобил оставете го за подоцна, по 18.01.23. Ретроградниот Меркур има големо влијание и во сферата на технологијата. Истовремено, немојте да се зачудите ако во овој период ви се расипе некој од апаратите за домаќинство.
