Марија Шерифовиќ, единствената српска победничка на престижниот натпревар Евровизија, остро ја коментираше одлуката на српското стручно жири да ѝ даде на Хрватска нула поени во финалето во Виена.
Марија вели дека ова не требало да се случи, како и дека народот бил над тоа и им доделил на соседите 12 поени.
– Недавањето ниту еден поен на Хрватска е апсолутниот врв на тоа финале. Ова е најважната вест за нас. Поважно од тоа кој победил и дека „Лавина“ е на 17-то место. Како бре нула? Кој го направи тоа, зошто тоа го направи? Душан Алагиќ ми е пријател. Ми вели: „Но Маро, јас им дадов поголем глас отколку што беше во финалето“. Тоа значи дека еден од членовите на жирито ги залепил на 23-то, 24-то место. Тоа не е за 25-то место. Тоа не е ниту вкус, слушаш нечија интерпретација, ве дели граница, нешто мало ви е драго на срцето. Воедно тој е и композитор на песната од Србија. Она што ме радува е што народот е над тоа, во СМС едени на други си дадовме 12 поени – рекла Марија за „Уна“.
За потсетување, луѓето во Србија не престануваат да го коментираат гласот на српското стручно жири во чиј состав беа: Душан Алагиќ, Иван Милеусниќ, Матеја Блажиќ, Анѓела Враниќ Лорес, Александра Ковач, Јелена Томашевиќ, Марија Мариќ Марковиќ (Мари Мари).
