Во денешниот разговор со Драгица Костоска, дознаваме дека има 36 години и завршено земјоделско-шумарско училиште отсек пејсажна архитектура. А сега, е невработена мајка на две деца и сопруга.
Незјиното Дворче се наоѓа во Кавадарци во Брусанско Маало и за цвеќињата се грижи таа самата.
– Имам многу цвеќиња кои ги сакам. Секое живо растение има своја убавина која многу ме прави среќна од самиот раст па до цветање. Имам и сезонски цвеќиња, повеќегодишни и зимзелени дрвца, како и палми и декоративни треви. Во лето сум повеќе часови во двор од почеток од утринското кафе и гледање во цвеќињата, ни вели Драгица.
– Поминатото време со нив ме прави среќна, задоволна, со позитивна енергија за животот на некое цвеќе. Кога го садиш било мало, а сега го гледаш како ви враќа со многу убав раскош, раскажува нашата соговорничка.
Кога ја прашавме за нејзиното омилено цвеќе, таа ни одговори дека ја цени убавината.
– Убаво цвеќе ми е декоративната трева пампас и криновите, жарчето и кактусите.
Имено, Драгица добро се снаоѓа во зимските услови.
– За мене зимата не претставува проблем, почнувам со прихрана на цвеќињата бидејќи ги имам повеќегодишни што можат да живеат и во зима.
Нејзиниот совет за идните ентузијасти цвеќари е:
– Почнете да одгледувате цвеќе без разлика кое и во кој временски период. Ако го сакате цвеќето, тоа многу повеќе ви подарува убавина.
Инаку, Драгица е член на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
(ФОТО СТОРИЈА) ВО СЕЛО НОВАЦИ, ВО ЦВЕТНИОТ РАЈ НА ТОМЕ: Сложно семејство, двор гради!
УЖИВАЈТЕ ВО ФОТОГАЛЕРИЈАТА:
ФОТО: ПРИВАТНА АРХИВА
