– Како што веќе најавивме, од утре па за време на викендот времето ќе биде променливо облачно со повремени локални врнежи од дожд. На планините ќе има повремени врнежи од снег. Утре ќе дува умерен, повремено засилен ветер од јужен правец. Температурите ќе се искачуваат во интервалот од 7 до 15 степени, додека малку пониски температури ќе имаме за време на викендот и истите ќе се искачуваат во интервалот од 6 до 13 степени, вели нашиот метео прогнозер Славчо Попоски.
И во Скоспкиот регион од утре времето ќе биде променливо облачно. Ќе има услови и за повремен локален слаб дожд. Утре исто така ќе дува умерен, повремено засилен ветер од јужен правец. Температурите ќе се искачуваат во интервалот помеѓу 8 и 13 степени.
