„Покриени прасенца“ е име за мезето кога колбаси се завиткуваат во тесто и се печат додека тестото не добие златно-кафеава боја. Тие се меѓународно популарни, особено во земји како што се САД, Обединетото Кралство, Германија, Канада и Данска.
Во Соединетите Американски Држави и Канада, покриените прасенца се типично мали по големина и се служат како мезе или закуска на забави, и традиционално се придружени со сенф или аиоли. Британската верзија се состои од колбаси завиткани во сланина, а традиционално се служат на божиќниот ручек или на „Boxing Day“ (денот после Божиќ).
Најраниот писмен запис за покриените прасенца може да се најде во книгата на Бети Крокер од 1957 година наречена „Готвење за деца“, варијација на јадењето може да потекнува од 1600-тите, бидејќи теренските работници во Англија ставале месо во тесто за брз оброк.
ВО МАКЕДОНИЈА, КАКО ВО СРБИЈА: Караѓорѓева шницла – Сте се прашале како настанала?
Потребни состојки за тестото:
- 85 гр мед
- 120 мл вода
- 56 мл несолен путер
- 300-360 гр сенаменско брашно
- 1 лажичка кујнска сол
- 7 гр сув квасец
- 2 големи јајца
Друго:
- 1 пакување од 8 колбаси/виршли или 24 мини колбаси/виршли
- 1 големо јајце + 1 лажичка вода (заедно изматени)
- сусам, ким, афион за посипување
View this post on Instagram
Подготовка:
– Во мало тенџере на средно ниска температура загрејте ги медот, водата и путерот додека путерот не се стопи. Тргнете го од оган и оставете да се излади околу 5 минути. Измешајте околу 300 гр брашно, сол и квасец во сад или на работна површина. Додадете ја смесата со мед и месете додека не се соедини. Додадете ги јајцата едно по едно, мешајќи по секое.
– Полека, додајте го преостанатото брашно додека тестото од садот или од прстите се вади лесно кога ќе го допрете. Можеби нема да ви треба целата количина на брашно. Продолжете со месење на тестото додека не стане мазно и еластично, околу 6-8 минути. Тестото се става во подмачкан сад, се покрива со најлонска фолија и се остава на топло место додека не се удвои, околу 1 час.
– Нежно удирете го тестото за да се испуши воздухот, а потоа измесете неколку пати со рака. Нежно отсечете делови (мали парчиња за мини колбаси и поголеми парчиња за колбаси со вообичаена големина) од тестото и обликувајте во форма на јаже. Завиткајте го колбасот со јажето и ставете го на тава обложено со хартија за печење.
– Кога ќе завршите со завиткување на сите колбаси, покријте ги со пластична фолија и оставете да нараснат додека не се удвојат повторно, околу 30 минути. Во меѓувреме, загрејте ја рерната на 190-200 степени.
– Измешајте ги сите зачини во мала чинија. Намачкајте го тестото со мешавината од јајца и вода и обилно посипете со зачин. Печете додека лебот не порумени, околу 12 минути за мини колбаси и 15 минути за вообичаена големина.
*овој рецепт може да го направите и со готово лиснато тесто
Добар апетит!
View this post on Instagram
