Шефот на администрацијата на регионот Запорожје, Евгениј Балицки, во интервју за РИА Новости, рече дека администрацијата е подготвена за секаков развој на настаните во нуклеарната централа Запорожје, вклучително и план за евакуација на населението доколку е потребно, пренесуваат руските медиуми.
Според него, моментално АЕЦ Запорожје работи нормално, и нивото на радијација е нормално.
„Но, знаејќи ја лукавството, непромисленоста и немилосрдноста на режимот во Киев кон луѓето кои тој ги нарекува свои граѓани во јавната реторика, ние, се разбира, се подготвивме за каков било развој на ситуацијата и затоа развивме план за евакуација на населението во случај ако за такво нешто се појави потреба“, рече претставникот.
Балицки вели дека од 18 јули нуклеарната централа Запорожје е под гранатирање речиси секојдневно, поради што се оштетени помошните системи за поддршка на станицата, а додаде дека при гранатирањето на областа загинале двајца цивили.
Претходно „Њујорк тајмс“ објави дека Меѓународната агенција за атомска енергија (МААЕ) формирала мисија која се очекува следната недела да замине вонуклеарната централа Запорожје.
