Уште една трагедија на фудбалските терени. Шокантното видео доаѓа од Брегот на Слоновата Коска, ќе ви ја замрзне крвта во вени и ќе ви дојдат солзи на очите.
Мустафа Сила (21), дефанзивецот на РК Абиџан, почина во неделата откако колабирал на теренот за време на натпревар против СОЛ ФК.
Трагедијата се случила на стадионот Роберт Шампро. Сила паднал на земја, а кога виделе дека колабирал, играчите на теренот веднаш повикале медицински персонал, но за жал не можеле да го спасат.
„Нашиот дефанзивец Сила Мустафа почина откако му се слоши на теренот“, соопштија од клубот.
„Раководството изразува искрено сочувство до неговото семејство. Почивај во мир Мустафа. Почивај во мир Лаве“.
Логосина Сисе, претседател на РК Абиџан, за странските медиуми изјави дека Сила починал на пат кон болница.
Првите индиции се дека фудбалерот починал од срцев удар, но клубот сака да ги почека резултатите од обдукцијата за да се откријат вистинските причини за смртта.
Сила дојде во клубот во септември, а се надеваше дека ќе се наметне и ќе добие шанса да игра во француска Ница, клуб со кој РК Абиџан има соработка.
Le latéral gauche ivoirien du Racing club d’Abidjan,SYLLA MOUSTAPHA a rendu l’âme en plein match le dimanche 05 mars au stade Robert Champroux de Marcory lors d’une rencontre du championnat ivoirien. Il s’est effondré seul sans ballon.
C’est très horrible 😭. Paix à son âme pic.twitter.com/IDdUGGopae— Dadou Ekofo offiçiel 🇨🇩🇨🇩🇨🇩 (@Dadouekofo25) March 6, 2023
Како и повеќето африкански играчи, тој сонуваше дека еден ден ќе заигра во Европа и на тој начин ќе ја реши својата егзистенција, но прерано си замина.
Инаку, ова беше трет смртен случај на фудбалер во првенството на Брегот на Слоновата Коска во последните четири години, што е јасен знак дека не се води сметка за здравјето на играчите, а и самите лекарски прегледи се сè само не на задоволително ниво.
