Европскиот совет формално даде зелено светло за земјите кандидати за членство во ЕУ – Украина и Молдавија, врз основа на препораките на Комисијата.
Зелено светло и за „европската перспектива“ за Грузија.
View this post on Instagram
„Денес е добар ден за Европа. Честитки до претседателот Володимир Зеленски, претседателката Маја Санду и премиерот Иракли Гарибашвили. Вашите земји се дел од нашето европско семејство. И денешната историска одлука на лидерите го потврдува тоа“ – напиша на Твитер претседателката на Европската комисија Урсула фон дер Лајен.
„Договор. Европската унија штотуку одлучи да им додели статус на кандидат за ЕУ на Украина и Молдавија. Историски момент. Денешниот ден е фундаментален чекор на вашиот пат кон ЕУ. Честитки до Володимир Зеленски и Маја Санду, до украинскиот и молдавскиот народ. Нашата иднина е заедно“, напиша на Твитер претседателот на Европскиот совет Шарл Мишел.
„Европската унија одлучи да ја признае европската перспектива на Грузија и е подготвена да додели кандидатски статус откако ќе се решат истакнатите приоритети“, додаде тој.
