Сладоледот не мора да биде забранет десерт поради кој често чувствуваме грижа на совест – постои здрава и подеднакво вкусна варијанта која лесно се подготвува и ганатира исто уживање, а може да ја јадете во секој период од годината.
Пред вас е наједноставниот рецепт за вкусен и здрав сладолед во кој можете да уживате во зимските месеци, кога ќе посакате да се почастите со вкусен десерт, а сте мрзеливи да подготвувате колачиња и торти.
Бананите исецкајте ги на кругчиња а потоа во затворен сад или кесичка држете ги два часа во замрзнувачот. По два часа и само пет минути матење во блендер ќе добиете совршен домашен и сосема природен сладолед.
Можете да додадете нешто по ваша желба, па сладоледот од банана да го претворите во сладолед од банана со лешници, бадеми, ореви, крем, мед, шумско овошје, карамела, џем… поиграјте си со вкусовите и потоа уживајте.
Ќе се заљубите во неговиот вкус, па ќе го подготвувате постојано!
