Никол Шерцингер ги воодушеви своите обожаватели со неколку фотографии во бикини кои ги објави на својот инстаграм – профил.
Поранешниот член на „Pussycat Dolls“ објави фотографии, на кои позира на песочна плажа облечена во виолетово бикини и ги воодушеви своите бројни обожаватели низ целиот свет.
„Во последно време работите едноставно не се исти како порано. Се однесувам детски, но не знам зошто…“, напиша 42-годишната ѕвезда во описот на фотографиите.
Никол моментално ужива во идиличниот одмор на островите Туркс и Каикос со своето момче Том Еванс. И додека на нејзините најнови фотографии изгледа сосема беспрекорно, се чини како ѕвездата воопшто да не е свесна за тоа.
Минатата недела, таа сподели фотографија со која се пошегува на сметка на толеранцијата на Том за фотографии на „Инстаграм“.
„Кога вашето момче почнува да ве мрази кога правите милион исти слефиња“, се пошегува Шерцингер.
Том и Никол се во врска веќе една година, откако се појавија заедно на црвениот тепих на „Golden Globes“ во 2020 година. Тие се запознале за време на снимањето на музичкото шоу „X Factor“, кога пејачката беше дел од комисијата, а Том се натпреваруваше во бенд.
За да ја одбележи нивната годишнина, Никол сподели слатка посвета на своето момче.
„Среќна годишнина љубов моја. Кој знаеше дека целиот мој свет ќе се промени пред една година. Ти си резултат на моите молитви. Те сакам многу“, напиша таа.
Преземено од Слободен Печат.
