Тестенини со печурки и ракчиња

СОСТОЈКИ:
– 250 г јуфки
– 10 лажици путер
– 250 г сечкани свежи печурки
– 450 г сварени ракчиња
– 2 чешниња лук
– 150 г крем сирење
– 2 лажици сечкан свеж магдонос
– 1 лажица сечкан свеж босилек
– 150 мл врела вода
– сол и црн пипер

ПОДГОТОВКА:
Ставете да се загрее вода во сад, посолете ја и откако ќе почне да врие ставете ги тестенините. За тоа време сварете ги ракчињата, па ставете ги да се изладат. Во голем сад истопете 2 лажици путер на средна температура, па додајте ги сечканите печурки да се пржат додека станат меки и кафеави. Зачинете со сол и црн пипер. Тргнете ги во сад печурките, а во тавата ставете да се загрее останатиот путер. Додајте ги толчениот лук, сирењето и зачините. Мешајте постепено иако сирењето можеби ќе се згрутчи. Префрлете ја смесата во блендер, додајте ја водата (може да искористите од водата во која се вареа тестенините) и миксирајте додека добиете хомогена смеса. Префрлете го сосот во сад, додајте ги ракчињата и печурките, промешајте и оставете на тивко да се вари околу 10 минути. Кога ќе биде готово, измешајте го сварените тестенини и сервирајте.