Овие сочни коцки се подготвуваат за само десетина минути, а потоа се печат во рерна околу 50 минути. За нивната подготовка не ви се потребни многу состојки – повеќето веројатно веќе ги имате во фрижидерот и во кујнските шкафчиња.
Вкусот им е едноставно фантастичен, а најубави се кога се послужуваат со топка сладолед од ванила.
Коцки со праски
Состојки
За подлогата:
220 г брашно
180 г ладен путер
150 г бел шеќер
1 лажичка екстракт од ванила
прстофат сол
За филот:
100 г бел шеќер
65 мл кисела павлака
1 јајце
1 лажица брашно
½ лажичка мелен цимет
3 свежи праски
Подготовка
Подгответе ја подлогата за колачот. Во голем сад измешајте ги брашното, шеќерот и солта. Додајте го ладниот путер, исечкан на мали коцки, па со прстите втријте го во сувите состојки додека не добиете ронлива смеса. Одвојте една третина од смесата настрана.
Остатокот рамномерно распоредете го и притиснете го во калап обложен со хартија за печење.
За филот, изматете ги јајцето, киселата павлака, шеќерот, брашното и циметот додека не добиете мазна смеса. Прелијте ја врз подлогата, а потоа наредете тенки кришки излупени праски.
Одозгора посипете ја преостанатата ронлива смеса, така што рамномерно ќе ја покрие целата површина на колачот.
Печете во претходно загреана рерна на 190 степени околу 50 минути, односно додека колачот целосно не се испече и не добие златнорумена боја.
Оставете го целосно да се излади, исечете го на коцки и, по желба, послужете го со сладолед од ванила.
На здравје!
