Еден од најинтимните и најемотивните моменти на спектакуларниот концерт на Дино Мерлин на преполниот стадион во „Кошево“ во Сараево се случи кога музичкиот волшебник јавно упати трогателни зборови кон својата сопруга Амели пред десетици илјади посетители.
Обраќајќи ѝ се на публиката пред една од своите песни, Мерлин ја прекина досегашната практика и направи потег што предизвика громогласен аплауз и стоечки овации на стадионот.
Зборувајќи искрено за нивниот заеднички пат, пејачот нагласи колку многу му значи поддршката од сопругата низ сите години од неговата кариера и предизвиците низ кои заедно поминале.
„Пред следната песна има една зеленоока меѓу вас. Тоа е мојата сопруга Амела. Тоа е моето девојче бидејќи очите никогаш не стареат. Амела сега се прашува што ми е мене затоа што никогаш не сум го направил ова. Амела, сакам да ти кажам дека те сакам и ти благодарам што ги трпеше сите мои каприци. Те чека место во рајот“, порачал Мерлин.
Овој трогателен момент беше проследен со овации од публиката, а бројни посетители со снимки го преплавија социјалните мрежи, каде што гестот на Мерлин беше прогласен за еден од најубавите детали на концертот на „Кошево“.
