Состојки:
1 килограм дуњи
1 кесичка лимонтус
1 килограм шеќер
800 милилитри вода
Подготовка:
Зрелите дуњи најпрвин убаво измијте ги, излупете ги и исечкајте ги на коцки. Потоа
ставете ги во сад во кој ќе ставите обична вода и една кесичка лимонтус. Оваа постапка
е потребно да ја направите се со цел да спречите потемнување на дуњите. Коцките
дуњи потребно е да отстојат најмалку еден час во течноста која сте ја подготвиле од
вода и од лимонтус.
За тоа време, во соодветно тенџере сварете го шербетот.
Кога шербетот ќе зоврие, во него ставете ги дуњите кои веќе сте ги извадиле од водата
и сте ги исплакнале неколку пати.
Оставете ги дуњите да се варат во шербетот околу 5 минути.
Повремено проверувајте ги колку се тврди бидејќи доколку истите ви омекнат многу,
слаткото нема да ви изгледа убаво, бидејќи складираните дуњи во тегла со текот на
времето ќе се распаднат.
Откако дуњите ќе се сварат. Складирајте ги во стерилизирани тегли заедно со
шербетот.
