Шеф Бранко Попоски или познат како Cooking with Branko, вели дека мора да го направите за да го почувствувате спојот на органската мача и органското какао.
Зошто мача?
Мачата изобилува со антиоксиданси, го забрзува метаболизмот а со тоа и согорува калории. Природно го смирува телото и умот и е одлична за детокс. Богата е со растителни влакна, хлорофил и витамини и минерали како витамин Ц, селен, цинк и магнезиум. Го намалува нивото на шеќерот во крвта и холестеролот.
А сега, рецептот пред вас и одиме во кујна!
Потребни состојки:
– Кокосово масло
– Путер од органско какао
– 2 лажички органска мача
– 5 лажичи кафеав шеќер
– Екстракт од ванила
– Мелена посна плазма
– Вегански маскарпоне сир
– Мускатно оревче и каранфилче
– 3 лажици органско какао
– Крем од ванила (веган)
– 50мл. бадемово млеко
View this post on Instagram
Начин на подготовка:
Во сад, додадете 200гр. мелена плазма, кокосово масло (6 лажици), 3 лажици кафеав шеќер и екстракт од ванила. Убаво мешајте и ставете на оган се додека не се изедначат сите состојки. Во тавчето за тарт, додадете ја смесата и убаво притиснете ја да се залепи. Оставете ја во фрижидер да се стегне околу 10 минути.
Во сад, додадете го маскарпонето, мачата, путерот од какао, 2 лажици кокосово масло, веганскиот крем од ванила, 50мл. бадемово млеко, и зачините мускатно оревче и каранфилче. Мешајте со миксер се додека не се хомогенизира смесата. Оставете да отстои во фрижидер околу 10 минути.
За глазурата:
Во сад на оган, додадете 3 лажици органско какао, 3 лажици кафеав шеќер (во прав), ванила екстракт, кокосово масло.
Кога ќе се стегне смесата од плазма, врз нејзе додадете го кремот од мача, измазнете убаво и истурете ја глазурата.
Верувајте, ова е МАКСИМАЛНО уживање!
