Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
А денес Теа ни подготви динстани телешки котлети со сос, во комбинација со пире и спанаќ.
„Толку се меки, сочни и вкусни што ќе ги обожава целото семејство“, вели Теа.
View this post on Instagram
(@gotvime.so.tea)Потребни состојки:
- 1 кг телешки котлети
- 300 гр свежи печурки
- 3 чешниња лук
- 1/2 корен од целер
- 3 моркови
- 1 лажица брашно
- 200 мл вода
- 50 мл бело вино
- 2 лажици масло
- зачин по желба
- сол и бибер по потреба
За гарнир:
- 400 гр спанаќ
- 2 чешниња лук
- 3 компири
- 2 марокови
- 100 гр тиква
- 50 мл млеко
- зачин по желба
Начин на подготовка:
Котлетите ставете ги во експрес лонец заедно со маслото и пржете ги додека да добијат боја од двете страни. Потоа додадете ги морковите исецкани на кругчиња, коренот од целер исецкан на парчиња, ликчето исечено на половина и печурките исецкани. Кога ќе почнат да се пржат, додадете зачин по желба, бело вино и 200 мл вода. Затворете го експрес лонецот и оставете го на ниска температура 30 минути. Во меѓувреме подгответе ги пирето и спанаќот. Излупете и исецкајте ги на коцки компирите, морковите и тиквата и ставете ги да се варат. Откако ќе се сварат испасирајте ги, додадете зачин по желба, млеко и измешајте. Во тенџере на оган ставете вода да се загрева. Кога ќе почне да врие додадете ги спанаќот и лукчето и оставете го спанаќот 2 минути. Потоа прецедете ја водата и измијте го спанаќот со ладна вода. Откако ќе се издинста месото, течноста од тенџерето префрлете ја во тавче и додадете 1 лажица брашно. Убаво измешајте и оставете го сосот убаво да се згисне. Сервирајте го месото во чинија полиено со сосот, во комбинација со пире и бланширан спанаќ. На здравје и уживајте!
П.С. Доколку немате експрес лонец, динстајте го месото во обично тенџере 2 часа на ниска температура и додадете дополнително уште 100 мл. вода.
