10.8 C
Скопје
10:53 - 10 декември, 2022

Брзо, лесно, превкусно: Колач со јаболка и павлака

На брз начин може да направите десерт кој ќе ве воодушеви и вас и вашите дечиња. 

Состојки:

За тесто:

125 грама брашно
1 жолчка од јајце
50 грама шеќер
1 кесичка ванилин шеќер
100 грама мелени лешници
100 грама путер

За фил:

1 килограм јаболка
50 грама суво грозје
200 милилитри кисела павлака
150 грама шеќер
5 јајца
1 лажица пудинг од ванила
200 милилитри слатка павлака
1 лажица шеќер во прав

Подготовка:

Ставете го потребното количество брашно во подлабок сад, додајте ги жолчката, шеќерот, ванилиниот шеќер, мелените лешници и исечканиот путер. Со раце измесете тесто од овие состојки. Добиеното тесто завиткајте го во најлонска фолија и оставете го да отстои во фрижидер околу еден час.

Откако ќе го ставите тестото во фрижидер, вклучете ја рерната на 180 степени и оставете ја да се загрева. Потоа, излупете ги јаболката и исечкајте ги на ленти. Прелијте ги јаболката со лимонов сок за да не потемнат и оставете ги настрана.

Кога ќе помине потребното време, извадете го тестото од фрижидер и со сукало развлечете го тестото. Добиеното тесто, ставете го во калап за подготовка на тарт. Врз тестото ставете ги јаболката, а одозгора наросете со суво грозје.

За да го прелиете колачот, измешајте ја киселата павлака со шеќерот и со јајцата. Потоа, измешајте го и прашокот за пудинг како и слатката павлака.

Со добиената смеса прелијте го колачот. Ставете го да се пече околу 30 минути. Испечениот колач оставете го да се излади, а потоа наросете го со шеќер во прав.

Слични објави

(Фото) Како најефтино да го посетите Амстердам: Ресторани и хотели по најниски цени, а сепак ќе се чувствувате кралски!

Еспресо

Посно ем вкусно: Полнети пиперки со грав печени во рерна

Еспресо

Посно макало од ореви – од традиционалната македонска кујна

Еспресо

Брз, сочен и вкусен ручек: Кремаста мусака со сирење

Еспресо

Ќе ја раскажувате насекаде! Шпански рецепт за кремаста компир салата

Еспресо

(Фото) Занимливости за СП Катар 2022: Спектакл за луѓе со длабок џеб

Ј.К.Д
Се вчитува....