Читателите на нашето печатено издание веќе имаат прочитано за Ана Аврамова. Во текот на минатата година, во неделниот магазин за здрав живот, за прв пат се запознавме со нашата омилена веган-девојка. Ана има 29 години, доаѓа од сончевата Гевгелија, веган е веќе неколку години и за кулинарството има и диплома, а од првиот момент кога ги здогледавме слатките рецепти кои таа сама ги подготвува, веднаш и го доделивме епитетот гастро-уметник!
Преку претходниот видео-рецепт имавме можност да научиме како да направиме супер вкусни вегански чизкејк торти со лимон и боровинки! Овој петок учиме како да направиме уште еден многу многу вкусен рецепт – станува збор за вегански чизкејк со јагоди и ф’стаци. Освен што е превкусен, овој чизкејк изгледа фантастично, воопшто не е комплициран за приготвување и најважно од се, не се пече! Доколку постите, ви препорачуваме да се насладите со овој рецепт, за кој ќе добиете само пофални критики! Не заборавајте да го користите хаштагот #БезМана доколку ги приготвите рецептите, и секако, не пропуштајте ја следната епизода на Без Мана со Ана, само на Слободна ТВ, секој петок во 10 часот!
