Хрватската компанија „Краш“ објави дека пушта во продажба ограничено издание на чоколадо „Дорина“ со чварки.
Да, добро прочитавте – со чварки.
Она што пред неполн месец започна како првоаприлска шега од денес е дел од реалноста.
Компанијата „Краш“ денеска преку својот Фејсбук профил објави дека навистина направиле „Дорина“ со чварки.
Комбинацијата за првпат беше спомената на 1 април, но, како што велат од компанијата, интересот бил толку голем, па навистина решиле да направат чоколадо со чварки.
„На сите кои позитивно искоментираа на нашата првоаприлска шега и посакаа да вкусат Дорина со чварки, ќе им испратиме по еден примерок на адреса“, велат од „Краш“. Доколку сте меѓу таквите, се што реба да направите е да се обратите на „Краш“ во инбокс на Фејсбук.
