Американскиот супермодел Бела Хадид (23) е прогласена за најубава жена на светот според најновото истражување, пишуваат британските медиуми.
Цртите на нејзиното лице со 94,35% одговараат на „златниот рез“, мерка која го претставува физичкото совршенство.
Нејзините очи, веѓи, нос, усни, образи и обликот на лицето се скоро совршени според поимот за убавина на Старите Грци.
Списокот на најубавите жени го состави хирургот Јулиан де Силва, кој изјави дека нејзината симетрија на лицето е најблиска до совршенството.
Второто место го зазема пејачката Бијонсе, а третото глумицата Амбер Хард. Во топ десет најубави се наоѓаат и Аријана Гранде, Тејлор Свифт, Кејт Мос, Скарлет Јохансон, Натали Портман, Кејти Пери и Кара Делевињ.
