Грубата кожа на стапалата освен што е естетски проблем, може да предизвика и многу болки доколку почне да пука.
Негата на стапалата е задолжителна преку целата година, а особено треба да обрнете внимание во лето, кога сакате да носите отворени сандали, апостолки или модерни влечки.
Првиот чекор во негата е нанесувањето хидратантна крема барем двапати дневно, која содржи уреа и салицилна киселина. Овие состојки помагаат во омекнување на грубата кожа, а потоа и во нејзино отстранување.
Вториот чекор е купката и триењето. Применувајте ја секој ден пред спиење. Додадете средство за омекнување на стапала во топла вода и потопете ги околу десет минути.
Потоа направете пилинг со помош на камен или турпија. По пилингот намачкајте маслена крема и откако ќе се впие поголемиот дел, облечете тенки памучни чорапи и преспијте со нив.
Оваа постапка за триење со камен и хидрирање на петите потребно е да ја применувате секој ден. Постапката не мора да трае долго, доволно е за време на дневното туширање да ги истриете стапалата со камен и добро да ги хидрирате со крема, со цел преку целото лето да имате убави, чисти и негувани стапала.
