Медицинската сестра детално ги опишува сите симптоми кои ги имала. Во нејзиниот случај тоа изгледало вака…
Лиса е медицинска сестра од Велика Британија која успешно се избори со коронавирусот. Таа поминала со поблага форма на овој вирус и вели дека имала температура и сува кашлица кои траеле речиси две недели. Ниту симптомите како што се мачнина и омалаксаност не ја заобиколиле, пишува весникот Express.
Меѓутоа неколку дена пред овие на сите добро познати симптоми, се појавила и болка во мускулите и зглобовите. „На почетокот си помислив дека станува збор за замор и дека таа болка е последица на премногу работење и долго стоење“.
Лекарите и многу истражувања покажаа дека токму болката во овие делови од телото се јавува пред вирусот комплетно да ве нападне.
„Бевме на едно предавање и откако се вратив дома почувствував помали болки во зглобовите. Тоа беше петок. Следниот ден болките беа поинтензивни, имав чувство како некој да ме боцка со игла во мускулите и тогаш се посомневав на обичен грип. Во недела кога состојбата ми стана полоша започнав да чувствувам вртоглавица, отидов на преглед и резултатите за коронавирус беа позитивни“.
„Доколку чувствувате болки во зглобовите и мускулите, а за нив не постои оправдана причина, најдобро е да се изолирате од останатите во домот со цел да не ги загрозите“, порача таа.
