Кога не сте во можност да изразите негативни чувства, тоа може да се претвори во физички проблем. Покрај тоа, колку повеќе ги искажувате своите чувства, толку е помала веројатноста да страдате од проблеми предизвикани од стрес и грижа.
Ова се психолошките причини поради кои се појавуваат одредени болести, пренесува порталот BrightSide.
Стравот може да предизвика алергии и дерматитис
Експертите веруваат дека некои вообичаени алергиски реакции можат да бидат поврзани со менталното здравје.
Егзема, треска и астма можат да бидат предизвикани од ментална болест, а внатрешните стравови можат да предизвикаат појава на овие состојби. Симптомите на астма и дерматитис може да се подобрат или излечат со намалување на товарот на психосоцијалните фактори врз себе.
Опсесијата може да доведе до проблеми со телесната тежина
Проблеми со телесната тежина може да бидат предизвикани и активирани од опсесија или преокупација со помали или имагинарни работи. Можеби сте премногу загрижени за брчките, обликот на носот или другите делови од телото.
Негата на телото е многу важна, но фанатизмот може да доведе до несакани или опасни резултати.
Емоционалниот конфликт и стресот можат да предизвикаат проблеми со варењето
Стресот може да предизвика несакани ефекти во внатрешноста на стомакот.
Воспаление на желудникот и гастритис може да биде предизвикано од конфликт на вашите чувства – неможноста да преземете одговорност или да најдете излез од тешки ситуации и конфликти.
Самокритика и стравови може да предизвикаат главоболки и мигрена
Самокритичност, ниска самодоверба и внатрешни стравови се причини што можат да бидат постојан извор на стрес. Понекогаш очекувате премногу од себе, што може да предизвика физички проблеми како главоболки и мигрена.
Депресијата и вознемиреноста можат да предизвикаат срцеви заболувања
Повторувачката депресија и вознемиреност се поврзани со поголем ризик од срцеви заболувања.
Поради нив, можете да се чувствувате вознемирено, нервозно и како срцето да ви чука многу брзо секој ден, што може да предизвика проблеми со срцето.
Што може да се направи за да се избегнат овие проблеми?
Покрај посетата на лекар за физички симптоми, важно е да посетите и психолог за да го пронајдете коренот на проблемот и да добиете соодветна терапевтска интервенција. Исто така, медитацијата и менталниот тренинг се добри лекови за намалување на стресот, а експертите велат дека исто така помага да се сврти вниманието.
