Веќе е познато – Омикрон е позаразна варијанта на ковид, со побрза инкубација, но со помалку сериозни симптоми од Делта. Но, што велат новите студии за оваа нова мутација на коронавирусот кои пристигнуваат од земјите ширум светот?
ИНКУБАЦИЈА: КОЛКУ ТРАЕ
Може да бидат потребни само 3 дена за луѓето да покажат знаци на инфекција, да станат заразни и да бидат позитивни на тестот.
Случајот Х, невакциниран 48 годишен маж кој се враќал од конференција од Нигерија, првите симптоми на зараза со вирусот ги покажал само околу 72 часа по првата изложеност на вирусот.
Имајќи предвид дека просечниот период на инкубација на матичниот коронавирус е опишан како еднаков или поголем од 5 дена и е поблиску до 4 дена за варијантата Делта, времето за заразување со варијантата Омикрон е забрзано во споредба со другите мутации.
КОИ СЕ СИМПТОМИТЕ
Податоците кои пристигнуваат од истражувањата во различни земји ширум светот наведуваат дека најчести симптоми (пријавени и архивирани) се течење на носот, главоболка, замор со болки во мускулите, кивање и болки во грлото. Пријавени се и случаи на гадење и дијареа. Во споредба со „традиционалната“ верзија на коронавирусот, поврзана особено со варијантата Делта, има поретки извештаи за губење мирис и вкус.
Поблагите симптоми пак, веројатно ќе се помешаат со синдромите на настинка, па затоа доаѓа до збунетост особено во зимските месеци и многу често кај децата.
Закрепнувањето од обичните настинки се случува во рок од 10 дена. Меѓутоа, имуносупримираните луѓе или луѓето со астма и респираторни заболувања, ризикуваат да развијат посериозни болести, како што е пневмонија.
Кај инфицираните со Омикрон пак, пациентите можат да заздрават во просек за пет до седум дена, иако некои од симптомите како кашлица и замор може да траат подолго. Во ретки потешки случаи, забележано е и отежнато дишење, кое било забележано дека трае до 13 дена по прележувањето на болеста.
ДАЛИ ФУНКЦИОНИРААТ И КАКО БРЗИТЕ ТЕСТОВИ НА ОМИКРОН: Еве зошто не се воопшто сигурни!
Д-р Анџелик Коетзи, претседател на Здружението на лекари во Јужна Африка, анализирајќи ја прогресијата на епидемијата во нејзината земја, ја потврди оваа хипотеза за Дејли Меил:
„Симптомите што се јавуваат кај луѓето погодени од Омикрон се поблаги од оние што ги гледаме при зараза со Делта варијантата, која е многу поопасна “, рече таа. „Пациентите генерално имаат болки во мускулите, главоболки и извесен замор, а нивните симптоми не се влошуваат, напротив, по околу пет дена се решаваат“, додаде таа.
