Кето исхраната се заснова на намалување, речиси исфрлање на јаглехидратите од секојдневните оброци и поголем внес на масти, за телото да може да ги користи како извор на енергија.
Многумина кои се заинтересирани за овој тип на исхрана, често се во недоумица што точно треба да јадат, а што да исфрлат од исхраната. Затоа и ја составивме оваа листа на дозволени намирници во кето диетата:
Месо и риба
Сланина, пилешко, месо од патка, јагнешко, шунка, свинско месо, мисиркино, телешко, лосос, пастрмка и во сосема мали количини месни преработки како што се колбаси или кулен.
Јатки
Бразилски ореви, лешници, макадамија, пекан ореви, пињоли, ореви и бадеми.
Млечни производи
Изварка, павлака, кисел јогурт, крем сирење, путер и меки сирења.
Масти
Путер, кокосово масло, палмино масло, маслиново масло, свинска маст и авокадо и јајца.
Зеленчук
Целер, краставица, ротквици, марула, спанаќ, карфиол, зелка, тиквички, модар патлиџан, прокељ, брокула, домати и грашок.
Храна која мора да ја избегнувате
Сладолед, газирани пијалаци, зашеќерени житарици, мед, пченка, бонбони, житарици, алкохол, маргарин, овошни сокови, овошје, печива, компири и тестенини.
