Најмала промена на планот во исхраната ве вознемирува
Се обидувате да се храните здраво цела недела, а потоа некој ве кани на пица. Ако тоа предизвикува претерано размислување, оправдување, негативни емоции кон себе, разочарување – можеби имате проблем со исхраната. Запомнете дека здравата храна не е самоказнување, туку избор од самољубие, што значи дека нездравата храна не е избор поради кој треба да се чувствувате лошо.
Ја избегнувате омилената брза храна
Сите го знаете чувството на нетрпение кога го чекате омилено јадење што не сте го јаделе толку долго. Ако забележите дека сте почнале да си го одрекувате тоа слатко задоволство поради страв од дебелеење, тоа е првиот знак за нездрав однос кон храната. Секако, на нашето тело му е потребна урамнотежена исхрана и не треба да јадеме нездрава храна секој ден, но намерното избегнување на истата во ретки моменти е опсесивно однесување.
Ја мерите до грам порцијата на вашата храна
Сосема е стресно секој оброк да има одредена тежина! Во овој случај, решението не може да биде поедноставно, јадете додека не се почувствувате сити. Можеби не внимавате на чувството на ситост, па не сте сигурни дали го чувствувате во даден момент, што ќе ви помогне да јадете побавно и да уживате. Опуштете се!
Се чувствувате виновни за храната
Иако оваа тема беше начната низ веќе споменатите проблеми, не е лошо да се повтори – вината и храната никогаш не одат заедно. Не сте лоша личност ако јадете премногу, ниту доцна, ниту премрсно.
ПРОВЕРЕНО: Зошто„волшебните“ диети и апчиња не функционираат?
Одбивате да јадете надвор од вашиот дом
Да се има рутина не е лоша работа, но ако постојано одбивате да јадете кај пријател, во ресторан, а сте гладни веројатно не сте на добар пат. Прифатете дека никогаш нема да можете да контролирате сè што ви се случува во животот. Флексибилноста е клучна за опуштено и здраво размислување.
Користете изнасилена физичка активност за да ги потрошите калориите
Ако не наоѓате апсолутно никакво задоволство во вежбањето и грижата за вашето тело освен мазохистичкото, подобро воопшто да не вежбате. Интензивното вежбање само откако ќе внесете повеќе калории нема да ви биде од никаква физичка или ментална корист.
Ги проценувате луѓето преку тежината
Нормално е да се внимава на физичкиот изглед на другите луѓе, па дури и да се има став за нивната убавина. Сепак, ако примарниот фокус на секоја личност што ја гледате е нивната телесна тежина, таквиот однос кон другите, но најмногу кон себе, ќе ве доведе до многу ниска самодоверба. Сите луѓе се подеднакво вредни, со или без вишок килограми. Совршената фигура нема да ви помогне да избегате од себе.
АВОКАДО – КРВАВИОТ ДИЈАМАНТ НА МЕКСИКО: Сè повеќе готвачи ширум светот го отрфлаат од употреба
