Уште во 1790 година, др. Самуел Ханеман, таткото на хомеопатијата, бил почитуван и познат лекар, но и покрај неговиот успех, тој се чувствувал фрустриран од ограниченото знаење што му било достапно. Тој сфатил дека, многу иронично, модерната медицинска наука од тоа време не се засновала на основните научни закони и дека медицинските третмани понекогаш прават повеќе штета отколку добро за телото. Така ја напуштил работата како лекар и почнал да работи како преведувач.
И додека го преведувал познатото дело „Materia Medica“, решил да направи обид. Што ќе се случи доколку како здрав човек земе кора од кинин, која се користела како лек за пациентите со маларија. Земал екстракт од кора од кинин и бил изненаден кога, како здрав човек, развил симптоми слични на маларија. Тој сметал дека кората од кинин може да излечи маларија бидејќи предизвикува симптоми слични на болеста кај сосема здрави луѓе. За да ја тестира оваа идеја, тој експериментирал со различни супстанции и на себе и на блиски соработници и дошол до заклучок дека сите негови експерименти го даваат истиот ефект.
Врз основа на неговите согледувања, др. Ханеман ги постави темелите на модерната хомеопатија, која и денес може да се пофали со своето познато мото:
Similia Similibus Curantur – Слично се лечи со слично!
