Неодамна излезе третата сезона од HBO серијата Euphoria, а првите епизоди предизвикаа бурни реакции кај гледачите на социјалните мрежи – токму поради Сидни Свини. Целата приказна во третата сезона се одвива пет години по настаните од втората, а ликот на оваа убавица која го освои светот, Кеси, почнува да создава содржини што ги објавува на платформа за возрасни.
Така, нејзините сцени целосно шокираа дел од гледачите – позира како кученце, како бебе, а во една сцена ѝ се слева сладолед по голите гради, а сето тоа Кеси го прави за да си ја плати свадбата.
Пред неколку месеци Сидни лансираше и сопствен бренд на долна облека, кој самата го рекламира. Се појави и во контроверзна реклама за фармерки, а неодамна излезе и филмот The Housemaid, во кој глуми.
Поради сето тоа, како и поради провокативните комбинации во кои се појавува на црвениот тепих, Сидни Свини стана едно од најпопуларните лица на денешницата, а многумина тврдат дека токму таа е „секс симбол на 21 век“.
Па, колку пари ѝ донесе оваа слава?
Како што наведува Celebrity Net Worth, нејзиното богатство се проценува на дури 40 милиони долари. Станува збор за комбинација од приходи од различни извори – на пример, од филмот The Housemaid заработила околу 7,5 милиони долари, илјадници долари од Madame Web, а приходите доаѓале и од рекламите што ги снимала. Исто така, според UNILAD, Сидни има и сопствена продукциска куќа од која исто така заработува.
View this post on Instagram
