„Победа мора да се постигне на бојното поле“, рече украинскиот претседател во интервју за „Фајненшл тајмс“ и објасни: „Ние сме инфериорни во однос на опремата и затоа не можеме да напредуваме. Ќе претрпиме повеќе загуби, а луѓето се мојот приоритет.“ Запрашан за преговорите со Русија, прекинати од крајот на март, Зеленски рече дека не ја сменил својата позиција. војната треба да заврши на преговарачка маса. Украинскиот претседател изјави дека е подготвен за директни разговори со Владимир Путин.
Претседателот потоа објасни дека неговата земја се подготвува за „најтешката зима од сите од независноста“ поради руската агресија.
Зеленски се сретна со владини претставници и претставници на најважните државни енергетски компании за набавка на гас и на јаглен и се разговарало за производството на електрична енергија.„Без разлика што планираат окупаторите за себе – рече претседателот – мора да се подготвиме за претстојната зима во нашата земја.“ Националното производство на гас и јаглен ќе биде насочено кон внатрешните потреби, а Украина ќе се обиде да го зголеми капацитетот за извоз на електрична енергија.„По историскиот пристап на нашата земја во европската енергетска мрежа – откри Зеленски – таквиот извоз не само што ни овозможува да ја зголемиме нашата девизна заработка, туку и директно влијае на стабилизацијата на енергетската ситуација во соседните земји која пак, ја намалува потрошувачката на енергија во Русија“.
