„Денеска ја потпишав наредбата за отповикување на украинските амбасадори во Мароко, а исто така и во Грузија. Ако нема оружје, санкции за Русија, ако нема ограничувања за руските компании, побарајте си друга работа“.
Во новиот телевизиски говор што, како и обично, се емитува на социјалните мрежи во раните утрински часови, украинскиот претседател Володимир Зеленски рече дека мировните преговори со Русија продолжуваат, „но засега има само зборови, ништо конкретно“. Зеленски, исто така, рече дека Украина се подготвува за руски напади врз Донбас.
„Ние не веруваме никому, ниту на добра реченица“, рече украинскиот претседател во својот видео говор за најавата на Русија за намалување на ескалацијата на борбите околу Киев. Зеленски рече дека руските трупи се реорганизираат. „Ништо нема да дадеме. Нема да се откажеме. Ќе се бориме за секој метар од нашата територија“, вети тој.
„Има луѓе, политичари кои работат за доброто на Украина и има други кои го прават тоа само за да ги задржат своите работни места. Денеска ја потпишав наредбата за отповикување на украинскиот амбасадор во Мароко и во Грузија. Со сета почит, доколку нема оружје, санкции за Русија, ако нема ограничувања за руските компании, побарајте си друга работа“.
„Очекувам конкретни резултати од нашите претставници во Латинска Америка, Блискиот Исток, Југоисточна Азија, африканските земји во наредните денови. Дипломатскиот фронт е подеднакво важен“, додава Зеленски.
„Им се заблагодарив на Соединетите Држави за новиот пакет хуманитарна помош од 1 милијарда американски долари и дополнителните 500 милиони американски долари директна буџетска поддршка. И нагласив дека тоа е пресвртна точка во моментов“. Ова го изјави украинскиот претседател Володимир Зеленски, осврнувајќи се на телефонскиот разговор со американскиот претседател Џо Бајден. Разговорот бил „многу детален“ и „траел еден час“, објасни тој.
„Му кажав на претседателот Бајден што ѝ треба на Украина. Бев што е можно поискрен со него. Поддршката на САД е од витално значење за нас. И сега е особено важно да и подадеме рака на Украина, да ја покажеме целата моќ на демократскиот свет“, додаде Зеленски, а известува раињуз.
