Во Белград во тек е снимањето на новото продолжение на познатата серија „Жикина династија“ во режија на Милан Коњевиќ, а по сценарио на Милена Марковиќ. Новиот филм ќе се вика „Повратак жикине династије“, а главната улога ќе ја толкува Никола Којо, кој по повеќе од 30 години се враќа во ликот на Миша Павловиќ.
Улогата на Марија, како и во претходните продолженија, требаше да ја игра Риалда Кадриќ. Сепак, таа ненадејно почина пред снимањето, па нејзиниот лик не се појавува во филмот.
Владимир Петровиќ го толкува ликот на Слободан Боба Павловиќ, Весна Чошчиќ во улогата на Фрау Елса и Никола Брун Жика Павловиќ.
Синовите на Миша, кои одамна ги нема видено, доаѓаат во Србија затоа што живеат со Наташа во Москва, но кога ќе пристигнат момците кои ги носат имињата на нивните прадедовци – Жика и Милан, започнува нова луда година полна со смеа, авантури и семејни вредности. Миша живее и го издржува своето семејство свирејќи виолина на свадби.
– „Луда година“ е полнокрвно, ново продолжение на познатата домашна серија „Жикина династија“, но е и еден вид нов почеток, продолжување на приказната, освежување со нови ликови и заплети. Значи, „Луда година“ ги следи најновите светски трендови, па истовремено е и „продолжение“ и „рестартирање“. Во центарот на приказната е внукот на Жика, Миша, повторно во интерпретација на Никола Којо. Сега тој е татко на две момчиња, од кои едното е на прагот на лудите години. Покрај тоа, Миша е човек кој и самиот е на одреден пресврт во животот и наскоро ќе се најде во центарот на голема, урнебесна авантура со своите синови – изјавил Милан Коњевиќ.
Филмот треба да се појави во кината есента 2025 година.
