Вториот син на Дејвид и Викторија Бекам, Ромео, наводно планира свадба со својата девојка, 19-годишната манекенка и инфлуенсерка Миа Реган. Иако и двајцата се многу млади и фокусирани на кариерата, извор за Мирор вели дека веќе прават планови за заеднички живот.
Изворот открива дека Ромео и британската инфлуенсерка почнале да зборуваат за нивната долгорочна иднина.
Се верува дека нивната венчавка ќе биде малку поскромна во споредба со таа на Бруклин. Парот наводно разговарал за брак додека биле на семеен одмор.
– Миа е блиска со мајката на Ромео, Викторија. Беше јасно дека парот сака долгорочна заедничка иднина и веќе зборуваа дека се сродни души – тврди изворот.
View this post on Instagram
– Зборуваа и дека сакаат големо семејство и едвај чекаат да почнат – додал изворот.
На нивните социјални мрежи може да се види дека Ромео и Миа се многу среќни заедно. Оваа недела парот беше снимен како поминува време со семејството Бекам на нивната луксузна јахта во Мајами.
Иако веќе подолго време зборуваат за брак, Ромео сакал да почека да помине свадбата на неговиот постар брат пред да се свршат.
– Миа е многу поинаква жена од Никола Пелц и секогаш велеше дека би сакала да се омажи во Британија, на многу полежерна и поскромна венчавка од онаа што ја имаа Никола и Бруклин – изјавил извор за медиумите.
View this post on Instagram
