Градоначалникот на Бања Лука, Драшко Станивуковиќ, отиде чекор подалеку откако ги забрани настапите на српскиот рапер Драгомир Депсиќ Десингерица.
Тој предложи нови, многу построги мерки и високи казни за секој што ќе се обиде да ја заобиколи одлуката и да организира вакви настапи на територијата на Бања Лука.
Драшко Станивуковиќ објави видео на својот Инстаграм со клипови од настапите на Десингерица, кои ги нарече вулгарни, скандалозни и несоодветни за млади луѓе. Тој додаде дека секој што ќе ја прекрши забраната ќе се соочи со сериозни последици, а секој што ќе го покани Десингерица да настапи во тој град ќе биде казнет со износ од 25.000 до 50.000 евра.
View this post on Instagram
– Затоа вакви кај нас во Бања Лука не можат да настапуваат. Затоа, како превентивна мерка, во случај некој да се обиде да злоупотреби јавна манифестација и настани на територијата на градот Бања Лука со ваков вид однесување – вулгарно, примитивно и насилно кон нашите деца и млади луѓе, во новата одлука што ја предлагаме, ќе ги казниме со казна од 50 до 100.000 конвертибилни марки. И организаторот и изведувачот без исклучок. Нема место за вакви изведувачи во нашата Бања Лука – рекол градоначалникот и додал:
– Кога покрај ова ќе ги забраниме и реалити програмите во Република Српска, ќе ги отстраниме обложувалниците во близина на училиштата и ќе ги ограничиме социјалните мрежи за да можат нашите деца да ги користат мрежите на 15-годишна возраст, Десингерица и луѓе како овој повеќе нема да постојат. Ние ќе се бориме и ќе истраеме.
Неговата објава веднаш ја поддржа српската пејачка Зорица Брунцлик, која во коментарот напиша: „Браво“, а Драшко веднаш ѝ се заблагодари.
