Актерот, режисер и основач на „Community Organized Relief Effort“ (CORE) Шон Пен го посети Киев по трет пат од почетокот на руската специјална операција во Украина и донесе еден од неговите два Оскари, пренесува руската новинска агенција Тасс.
„Овој пат нашата средба беше посебна. Шон ја донесе својата статуетка Оскар“, рече украинскиот претседател Володимир Зеленски.
This video published by President Volodymyr Zelensky shows his meeting with U.S. actor Sean Penn in Kyiv.
According to Zelensky, Penn left his Oscar award in Ukraine, which will remain there “until Ukraine’s victory” as a symbol of belief in such an outcome. pic.twitter.com/r2LAAoOaku
— The Kyiv Independent (@KyivIndependent) November 8, 2022
Се очекува фигурата да остане во Украина до крајот на конфликтот. Прес-службата на украинскиот лидер прецизираше дека Зеленски и Пен разговарале за ситуацијата во земјата. Актерот рече дека продолжува да работи на филм за Украина.
Претходно беше објавено дека Пен е почестен со хуманитарната награда Боб Хоуп на настан во Куќата на славните на Академијата. Тие решија да го наградат за „децениска активност“, главно поради неговата работа преку CORE. Организацијата започна со работа по разорниот земјотрес на Хаити во 2010 година. Оттогаш, CORE се мобилизира за хуманитарни итни случаи како што е пандемијата COVID-19 и ситуацијата во Украина во 2022 година.
