Сораја Вучелиќ пред раѓањето на синот постојано објавуваше брендирани гардероби и аксесоари, а сега, на социјалните мрежи се фали и со скапи работи за својот наследник.
Сораја во февруари роди син на кој му го даде името Кан, а сега покажа што му купила и ги воодушеви своите следбеници.
Како и секогаш, таа била на шопинг, а освен што си купила луксузен накит, купила и исти патики за себе и за својот син.
Станува збор за патики на брендот „Диор“, кои чинат 620 евра. На момчето му подарила и јакна во сребрена боја чија цена е 1.250 евра, па нема сомнеж дека мама и синчето ќе блеснат во богати комбинации.
Старлетата сега живее во Дубаи со синот, а минатото лето го донесе во Црна Гора каде заедно уживале.
-Дојдовме да го запознаеме со неговите браќа и сестри. Тој ужива. Многу порасна, многу е напреден и можам да се пофалам. Уживавме во Бодрум, тука има премногу гужви. Мојот син никогаш нема да стане славен, не сакам да се експонирам, не би би го експонирала ниту мојот избраник, ниту мојот син. Мојата популарност припаѓа на минатото – изјави таа летово и додаде:
-Кан е дете кое секој би го посакал, мојот живот се промени поради него, сега тој е приоритет. Работиме на проширување на семејството, едвај чекаме да добие засилување. Сега сум целосно подготвена за тоа. Тој многу сака деца – изјавила таа.
