Најголемата регионална ѕвезда Здравко Чолиќ за дочекот на Новата 2024 година на Страдун во Дубровник ќе земе дури 130.000 евра, пренесуваат хрватските медиуми.
Како што наведуваат, ова е убедливо најголемата сума што пејач ја добил за настап на новогодишната ноќ во Хрватска, по Дино Мерлин, кој, според хрватските медиуми, наводно земал 80.000 евра за дочекот на 2018 година во Дубровник.
– Драги пријатели, се радувам на Дубровник, на дочекот на Новата година на Страдун, најубавата сцена на светот! Ве сака и ве поздравува Здравко Чолиќ – порача пејачот кога беше објавено дека ќе пее во Дубровник.
Да потсетиме, како што претходно напиша српски „Курир“, најскапиот дочек во Белград е со Владо Георгиев, бидејќи оние кои сакаат да влезат во Новата година со овој кантавтор, ќе мора да платат дури по 500 евра по човек.
