Во неврзан разговор во емисијата „Тодеј“ со Хода Котб, актерот Роберт де Ниро ја изрази својата среќа за својот колега актер, Ал Пачино, кој чека дете со својата девојка Нур Алфалах на 83 годишна возраст.
Де Ниро (79) на шега ја призна разликата во години, велејќи: „Тој е неколку години постар од мене. Бог да го благослови“.
Но потсетуваме дека минатиот месец, самиот Де Ниро го дочека своето седмо дете, прво со партнерката Тифани Чен. Кога Котб го праша Де Ниро за татковството во неговата „доцнежна возраст“, добитникот на Оскар ја сподели својот поглед за родителството.
JACI STEPHEN: Having late-life children like Godfather co-stars Al Pacino and De Niro is selfish! pic.twitter.com/ApIilBg25h
— DTN NEWS (@DTNNEWUpdates) June 1, 2023
Тој напомена дека да се биде постар татко носи одредена свесност за животната и семејната динамика.
Де Ниро рече: „Не можете да избегнете да научите одредени работи и како можете да се справите со нив, да управувате со нив, да се организирате во секаква ситуација“.
За време на интервјуто, Де Ниро ја поздрави својата најмлада ќерка Гиа. Ѕвездата од „Таксист“ веќе има уште пет деца: Дрена (51), Рафаел (46), близнаците Џулијан и Арон (37) и Елиот (25).
Robert De Niro, 79, reacts to fellow old dad Al Pacino expecting baby at 83. https://t.co/w2rhEprJig pic.twitter.com/SFILJHuHFk
— Page Six (@PageSix) June 1, 2023
Рекордер меѓу познатите личности кои станале татковци во нивните златни години е хрватскиот театарски и филмски актер, режисер и преведувач Звонимир Рогоз, кој на 92-годишна возраст го добил синот Рафаел.
Звонимир почина во 1988 година на 101 година, а додека бил жив се шушкало дека тој всушност не е биолошки татко на детето родено од неговата сопруга Агата, која била 56 години помлада од него. Таа, пак, тврдеше дека овие озборувања ги ширеле љубоморните поранешни љубовници на нејзиниот сопруг, кој бил познат како еден од најголемите заводници на овие простори.
Среќни татковци на стари години
Ричард Гир е уште еден постар татко. Во февруари 2019 година, кога имаше 69 години, го доби второ дете, а една година подоцна и трето.
Познатиот рокер Мик Џегер стана татко по осми пат во 2016 година на 73-годишна возраст.
Ѕвездата на немиот филм Чарли Чаплин имаше 12 деца. Имал 73 години кога го добил своето најмало дете во 1962 година.
Чаплин почина 15 години подоцна.
Медиумскиот магнат Руперт Мардок имаше 72 години кога се роди неговата најмлада ќерка во 2003 година.
