Поранешниот пакистански премиер Имран Кан беше застрелан во ногата откако неидентификувани вооружени лица отворија оган врз политичките демонстранти во градот Гујранвала, пренесува Гео ТВ.
Според каналот, во нападот биле повредени и неколку други членови на политичкото движење Техрик-е-Инсаф (Движење за правда) на Кан. Самиот екс-премиер бил хоспитализиран.
View this post on Instagram
Пакистанскиот премиер Шехбаз Шариф го осуди нападот и му наложи на министерот за внатрешни работи Рана Санаула веднаш да побара извештај од Генералниот полициски инспектор.
Во јули, поранешниот јапонски премиер Шинзо Абе почина по обид за атентат. Се покажа дека напаѓачот е 41-годишниот Јапонец Тецуја Јамагами, кој служел во јапонската морнарица. Напаѓачот го сомничеше Абе за врски со верската организација „Црква на обединување“, која, според Јамагами, предизвикала пропаст на неговото семејство – мајката на Јамагами редовно давала донации за организацијата.
