Српската пејачка Марија Шерифовиќ доби син со помош на сурогат мајка, а целиот процес беше спроведен во Лос Анџелес, Америка.
Марија се врати во Србија со синот Марио и мајката Верица, а на својот блог на Јутјуб покажа како било кога пристигнале во семејната куќа.
– Денеска е 21 декември и заедно со Супер Марио тргнуваме за Белград. Воопшто не спиев овие дваесет дена. Страшно сум под стрес поради ова патување. Господинот Марио првпат патува и јас првпат патувам под стрес. На тргнување од дома, до пред малку спиеше и браво царе. Сега пиеше млеко. Се надеваме дека сè и понатаму ќе биде како што треба – рекла таа на почетокот.
Признала дека ѝ било многу стресно да патува за првпат со бебето, но нејзината мајка Верица била цело време со нив и ѝ помагала околу детето.
– Засега сме полека, иако тврдам дека ова е најстресниот ден во мојот живот. Баба и јас се договоривме, прво јаде баба, а потоа јас ќе јадам. Сега мора да ми го дадеш детето додека јас јадам.
Верица цело време го галела внукот и не сакала да ѝ го предаде на Марија.
– Не, не ти го давам. Можам да го држам и да јадам, жено. Остави ме на мир. Гледаш колку му е убаво. Пиле бабино. Мајко, не ме допирај, те молам – му зборувала таа.
– Не спиев ниту една минута. Јуниор спиеше, јадеше трипати досега. Во моментов баба е на сила. Сè на сè, лесно патување. Така е сине, ти благодарам – раскажала Марија.
