Голем шумски пожар ги зафати Хаваи, илјадници луѓе се евакуирани, а како што изјави гувернерот Џош Грин, неизбежно е да има и жртви.
Пожарите се закануваат да ги уништат Хаваите, а бидејќи во вакви ситуации секоја помош е од големо значење, познатата водителка Опра Винфри, која поседува и земјиште таму, реши да им помогне на луѓето кои изгубиле се.
Таа го посетила прифатилиштето каде се евакуираат луѓето, а на новинарското прашање – како се чувствува, останала без зборови.
Потоа славната водителка рече: „Многу сум им благодарна на сите луѓе за нивната поддршка. Многу луѓе носат сè што можат и прават сè што можат. Дојдов порано за да видам што им треба на луѓето. Потоа отидов во продавница бидејќи луѓето обично донираат облека, а тоа не е она што е најпотребно. Затоа отидов да купам перници, ќебиња, шампони, пелени…“
Претходно, многумина на социјалните мрежи ја повикаа Опра да им помогне на жртвите на Мауи. Покрај познатата водителка, недвижен имот на островот поседуваат и Џеф Безос, Лери Елисон, Клинт Иствуд и Стивен Тајлер.
Потсетуваме, во вторникот вечерта во Мауи избувнаа најмалку три големи пожари, отсекувајќи ја западната страна на островот и историскиот град Лахаина, каде што беа уништени или оштетени најмалку 271 градба. Најмалку 53 лица загинаа.
