Николина Пишек реновира вила во Загреб вредна речиси два милиони евра, која ја изгради со нејзиниот покоен сопруг Видој Ристовиќ, а сега покажа како течат подготовките за опремување на нејзиниот луксузен дом.
Имено, се работи за „паметна“ вила од 400 метри квадратни со земјиште од дури 1.600 метри квадратни.
Таа е една од првите вили во Загреб која е изградена да функционира по принципот на вистинска „паметна“ куќа. Во пракса, тоа значи дека оваа куќа сама ќе ја произведува потребната енергија и буквално ќе „мисли“ наместо на сопственикот.
– Многу е возбудливо да се опреми сопствена куќа. Привршува опремувањето на просторот, многу сум возбудена. Едвај ги чекам тие епизоди кои се пред нас и едвај чекам да видам како ќе изгледа во големото финале – изјави претходно Николина.
Таа сега сподели видео во кое покажа како се одвива уредувањето на нејзиниот дом – кујна, дневна соба, а го покажа и дворот каде ќе биде базенот.
