Синоќа, 31 март, „гореа“ улиците на Истанбул. Голем број луѓе го прославија поразот на владејачката „Партија на правдата и развојот“ на турскиот претседател Реџеп Таип Ердоган, но она што е интересно е што низ градот „грмеше“ песната на српската фолк пејачка Нада Топчагиќ.
Се славело во една истанбулска населба, кога во еден момент од разгласот се слушнала песната на Нада „Утро е“. Сите пееле и играле заедно.
По овој повод, новинари од српски „Телеграф“ ја повикале Нада Топчагиќ, за да прокоментира дали ги испратила видеата на кои луѓето се радуваат со нејзината песна. Нејзиниот сопруг Златко Ѓорѓевиќ ги контактирал и го кажал следново:
– Има една работа. Надоместокот за секој коментар е 1000 евра. Парите се испраќаат на нашата сметка, кои потоа ги префрламе во фондот на Новак Ѓоковиќ. Нема повеќе да даваме интервјуа на никого затоа што измислувате работи. Секое наредно интервју на Нада чини 100.000 динари. Тие пари му се префрлаат на Новак Ѓоковиќ, за децата со кои работи. Само под тој услов отсега ќе разговара со медиумите – изјавил Златко за „Телеграф.рс“.
