Легендарниот британски рок музичар, актер, продуцент и постојан вокал на рок групата Ролинг Стоунс Мик Џегер го прослави својот 80-ти роденден споделувајќи ја прославата со својата поранешна сопруга, 67-годишната Џери Хол, која ја нарекуваа љубовта на неговиот живот, и со неговата сегашна свршеница, 36-годишната Мелани Хемрик, пишува Дејли Меил.
Друштвото се собрало во ноќниот клуб Chelsea Embargo Republica. Џери на прославата дошла заедно со нејзините ќерки Џорџија и Елизабет. Да му честита на својот татко дошла и најстарата ќерка, 51-годишната Џејд.
Мелани изгледаше неверојатно во црн проѕирен фустан од тантела со црна долна облека одоздола. Двојката го има шестгодишниот син Деверо, кој е многу сличен на неговиот познат татко рокер.
Џери, која беше во врска со Мик вкупно 22 години, изгледаше елегантно во кафеав фустан со едно рамо, кој го украси со шал обвиткан преку нејзините раменици.
Мик го прослави својот роденден со огромна забава исполнета со холивудски ѕвезди и музички легенди. Меѓу гостите беа неговиот колега од бендот Ролинг Стоунс, Рони Вуд, актерот Леонардо ди Каприо, музичарот Лени Кравиц, Ема Вејмут – Маркионес, Дафне Гинис, Либерти Рос и Џими Ајовин, Џемима Кан, Леа Вуд и многу други ѕвезди.
View this post on Instagram
Славеникот за оваа прилика носеше темно зелен костум, кој го искомбинира со црна сатенска кошула со точки. Изгледот го дополни со црни патики и шал.
Претходно Џегер им се заблагодари на фановите на социјалната мрежа за честитките објавувајќи фотографија од фотографот Марк Селигер. На неа, тој позира во бордо сатенски костум над кафеава кошула со точки и со очила за сонце.
View this post on Instagram
