Ќерката на Цеца Ражнатовиќ, Анастасија Ражнатовиќ Гудељ, која пред неколку дена беше на славата Свети Никола во нивниот дом во Белград, заедно со мајка си и братот, ги спакува куферите и замина за Дубаи.
Анастасија заминала во Обединетите Арапски Емирати со својот сопруг, фудбалерот Немања Гудељ, а во луксузниот хотел во кој престојувале ги чекало спектакуларно изненадување.
Имено, на креветот биле ставени ливчиња од роза и црвени балони, а како шлаг на тортата тука биле и заедничките фотографии од вљубениот брачен пар.
Да потсетиме, љубовната приказна на овој млад пар започна преку пријател, а по неколку заеднички излегувања започнаа љубовна врска.
– Се запознавме преку пријател, „кликна“ на прв поглед. Сè ми се допаѓа кај него, засега сè е во ред – раскажала претходно Анастасија.
Анастасија во тајност се венча со својот избраник, фудбалерот Немања Гудељ, а свадбената церемонија се одржа во присуство на нивните најблиски роднини.
