Откако претстави 19 нови песни на двата албума „Алфа и Омега“, Јелена Карлеуша реши на социјалните мрежи да објави како ја снима својата најемотивна балада „Ја“ во студио.
Пејачката во својата објава напиша и дека ги предизвикува сите млади таленти да ја отпеат оваа песна и да ја означат (тагнат), а потоа таа ќе го избере победникот и таа песна заедно ќе ја изведат на едно од нејзините наредни гостувања.
View this post on Instagram
– Снимив многу песни кои се претешки за пеење, но мислам потешка од „Тихи убица“ и „Не вреди“. е токму оваа „Ја“. Многу тешки за пеење во живо. Еве еден пејачки предизвик за сите млади пејачи. Снимете се како ја пеете оваа песна и означете ме. Ќе го објавам оној кој ќе биде најдобар и со мене ќе биде гостин во некоја од следните емисии во живо, каде заедно ќе ја изведеме оваа песна. Запомнете, покрај техниката, дишењето, вокалното поставување и дикцијата, најважното нешто во оваа песна е срцето! Емоција, дадете ми го вашето срце – напиша пејачката во својата објава.
Да потсетиме, Јелена Карлеуша по 11 години објави два албума наречени „Алфа“ и „Омега“ и, како што вели, ги урна границите на српскиот шоубиз, со оглед на тоа што тоа се случи за првпат на српската естрада.
Јелена неодамна реши да и се оддолжи на публиката и да одржи концерт во Белград на вода, а влезот на овој спектакл беше потполно бесплатен. Јелена ја поддржаа многу нејзини колеги кои присуствуваа на овој настан.
